Stuart Murdoch
Radio
Writing
Bow Tie: a comedy radio play written with Darren Rapier. Inspired by our experience working in what we used to call
T.I.E or Theatre In Education but is now called Applied Theatre.
Poems
My poems are written in Scots, the language I grew up speaking as a child. I write in Scots to keep it alive for myself but also to contribute to the growing movement of writers embracing and sharing our beautiful language. I will stick more poems up as I go along.
The Queen is Deid
Did yese no hear?
Yon Queen is deid
Happent in the past year
Thare wis a great muckle pairty
Wi balloons and laids o cake
Aw and a massie wauk
Fowk queued for oors
Tae see a widden box kivert in flouers
Auld puddin fingers Chairlie stappit up
He’s no a prince ony mair, nou the king
Thay’re giein him a new bunnet
The wan wi stowen jewels upon it
And we get tae pey fir the hale splore
Fae the fleurs, caition and mebbe a dance fluir
Whair Chairlie will brank wi his side bit Camilla
Hersel is richtous nou
It gaes tae shaw
If ye pit in the time ye win it aw
Rollercoaster
A rollercoaster is a terrible thing
Thrawin you aboot like a giant swing
A hell ride frae the maument it leaves the grund
Pikin ye up and spinnin you roond and roond
Why did ye dae it I hear yese cry
Why shuit yersel intae the sky?
A did it for ma son
It wis his wunnerfu idea o fun
And a wuid dae it aw again
Juist tae see the smile oan his face
Whan a skreicht cause
A felt a wis bein lencht intae space
Panda - monium*
My first poem in Scots.
I generally like to inject a bit of humour into my poems.
*credit to Denise (my wife)
Yon Panda!
Whit's gaun oan thare?
It’s like thay daedna e’en care
I rackon thay huild a preevat meetin’
Whaur it wis declare’t
“that’s it we’re nae for breedin’
and were tire’t of human interferin’
Wi’ rideeculous efforts tae get us tae bonk
Saft jazz, muid lichting and bamboo flavoured plonk
Dae we try wan mair time?
Mebbe introduce a different kin o beir
Mix a Grizzly wi’ a Panda
Caw it a Granda
Oi
Shoots a Panda fae within his lair
Stap actin’ as if yae care
I didna ken Pandas coud spak
We canna
it’s yer imaigination
Whit shoud a dae? I aks
Leave us alane he says
Which a did
Unco fowk (Unkind Folk)
I wrote this as part of Scotstober on Twitter where you were encouraged to write a poem a day based on one word, this one was Unco
Unco fowk
Unco fowk are anely unco till ye git tae knaw thaim
An unco ye get tae knaw coud becam a pal
Sae dinnae reject the unco
Inveet thaim in
Dinnae lea’ fremmit fowk oot in the cauld
Remember it coud be yersel
It juist takes wan wrang stap
And afore ye knaw it yer bein cawed unco fowk
Howkin (digging)
Another poem from Scotstober on Twitter
Howkin
As a wis howkin in the grund
Guess whit a fund
A portal tae yon underwirld
A steppit inside
An aw hell unfurled
Auld Sim staundin thair
In aw his graith
Says
“Wit ya daen doun here?”
“I’ve neigh idea”
“Wall, dinnae wirry I’ll see ye soon”
Afare a cauld ask
“Hou lang will a last?”
And gat the repone I feart
A wis back staundin in ma yaird
Astronaut
A met a fella dresst as an astronaut
Doun the pub the ither nicht
He sits neist tae me
We hae this conversation
Wid youse come as?
Am an astronaut
Sure ye are
Wid ye gae intae space?
Na
Hou no?
I canna be bathert
Canna be bathert!?
Aye, lea’ me alane!
Its ooter space!
Calm doon I dinnae want tae gae to the moon!
Hou no?
A’v got things tae dae
Like wit?
Shappin, watchin tv, drinkin, peyin bills
Yer a boring man, leadin a life wi’ nae thrills
So whit if A am?
A’m aff
Whaur ye gaun?
Up tae space
Aye, shuir ye are
Follae me
He taks me ootby
Richt thare inside the car park
Staunds
A great muckle racket
Ye gettin’ in?
A thocht for a seicont
Na, A’v got tae get ma messages
He sheuk his heid and sclimmed inside
And teuk aff
I presume tae the moon
Keepin Halthy
Keepin Halthy
Yon doctor telt me A’m tae mind ma halth
He says a hiv tae luik aftair mysel
So, a stertit on that granola
A hiv it in a big bowl…a
A ken at’s an awfu rhyme
But a tak it as a sign
That awthings gaun tae be fine
As lang as a hiv ma sense o dafferie
A daena believe in heiven or heckleburnie
But if a did
Am shuir Auld Bobbie hissel
Wad tell me
Gae back up ye great gabberloun
Dae some stuff ye ayeways meant tae
And on that imaiginary advisement
A’m haein chocolate and coffee for brakfast